B’ e reachdas Pàrlamaid na h-Alba a bh’ ann an Bile Ath-leasachadh Aithneachadh Gnè (Alba) a dh’atharraicheadh Achd Aithneachadh Gnè (2004) gus a dhèanamh nas fhasa don fheadhainn a tha ag iarraidh Teisteanas Aithneachadh Gnè.
B’ e prìomh amasan a’ bhile:-
an riatanas mu fhianais-leigheis a thoirt air falbh;
am Pannal Aithneachadh Gnè a thoirt air falbh bho phròiseas;
an ùine a dh’fheumas tagraichean mairsinn sa ghnè a ghabh iad a lùghdachadh bho dhà bhliadhna gu trì mìosan;
an aois as lùgha do thagraichean a lùghdachadh bho 18 gu 17;
agus uallach ùr a chur air Àrd-neach-chlàraidh aithisg a thoirt gach bliadhna mu àireamh nan tagraichean airson nan teisteanasan agus an àireamh a bhuilichear.
Chaidh am bile tro Phàrlamaid na h-Alba san Dùbhlachd 2022, ach chleachd Pàrlamaid na Rìoghachd Aonaichte na cumhachdan glèidhte aca gus stad a chur air mus deach a dhèanamh ‘na lagh.
🇮🇪
🏴 Gender Recognition Reform (Scotland) Bill