Mu ar deidhinn

‘S e seo faclair de bhriathrachas LGBTQIA+ Gàidhlig a tha air a bhith air a chruinneachadh le blog naidheachd LGBTQIA+ Gàidhlig a’ Ghèidheil Ùire o chionn 2008.

Faclan a dhìth

Ma tha sibh eòlach air facal no eadar-theangachadh a tha a dhìth, bhithinn fada nur comain nan cuireadh sibh fios thugam air post-d no air Bluesky. Gu h-àraid, bhithinn air leth taingeil airson cuideachadh le bhith a’ cur Gaelg air na faclan.

Lorg san fhaclair

Mholamaid lorg anns a’ Ghàidhlig no anns a’ Bheurla o chionn ‘s gu bheil a h-uile facal ri fhaighinn anns an dà chànan. Gheibhear eadar-theangachaidhean Gaeilge air a’ chuid as motha de fhaclan cuideachd, ach chan eil eadar-theangachaidhean Gaelg air mòran dhiubh.

Faodar lorg le stràcan no às an aonais, m.e. òbraichidh “gèidh” agus “geidh”.

Giorrachaidhean

• ag. = ainmear gnìomhaireach (verbal noun)

• àir. = àireamh (number or numeral)

• ainm. = ainmear (noun, usually appears next to a place-name of unknown gender)

• boir. = boireann (feminine)

• bua. = buadhair (adjective)

• co-ghn. = co-ghnìomhair (adverb)

• coi. = coimeasach (comparative; gives both the comparative and the superlative of an adjective)

• fir. = fireann (masculine)

• gin. = an tuiseal ginideach (genitive case)

• gn. = gnìomhair (verb)

• iol. = iolra (plural)

• neo-ath. = neo-atharrachail (unchanging, indicates that with the possible exception of lenition the word undergoes no changes)

• nsg. = naisgear (conjunction)

• roi. = roimhear (preposition)